Испаниялик ярим ҳимоячи Тьяго Алькантаранинг "Ливерпуль" либосидаги келажаги катта савол остида.
Журналист Нил Жонснинг сўзларига кўра, мерсисайдликлар раҳбарияти яқин орада Тьягони қўйиб юборишга қарор қилиши мумкин.
Туркиянинг “Фенербахче” клуби “Барселона” ва “Бавария”нинг собиқ футболчисини ўз сафига қўшиб олмоқчи бўлган клублар қаторига киради.
Эслатиб ўтамиз, ўтган мавсумда Англия гранди таркибида 2020 йилдан буён ўйнаб келаётган ярим ҳимоячи барча турнирларда 28 та ўйин ўтказиб, битта голли узатмани амалга оширган. Transfermarkt портали 32 ёшли футболчининг нархини 15 миллион еврога баҳоламоқда.
