"An-Nasr" "Inter" darvozaboni Andre Onana uchun kurashga qo‘shildi, deb xabar beradi Calciomercato.
Oldinroq Onana uchun asosiy da’vogar yozgi transfer oynasida darvozabon izlayotgan “Manchester Yunayted” ekani xabar qilingandi.
2022/23 yilgi mavsumda Onana barcha musobaqalarda 41 ta o‘yinda maydonga tushib, 36 ta gol o‘tkazib yuborgan va 19 marta o‘z darvozasi daxlsizligini saqlab qolgan. Transfermarkt portali uning narxini 35 million yevroga baholamoqda.
3 iyul kuni "An-Nasr" "Inter" yarim himoyachisi Marselo Brozovich bilan shartnoma imzolaganini e’lon qildi. Shu yilning yanvar oyidan beri Krishtianu Ronaldu Saudiya klubida to‘p surmoqda.