"Ан-Наср" "Интер" дарвозабони Андре Онана учун курашга қўшилди, деб хабар беради Calciomercato.
Олдинроқ Онана учун асосий даъвогар ёзги трансфер ойнасида дарвозабон излаётган “Манчестер Юнайтед” экани хабар қилинганди.
2022/23 йилги мавсумда Онана барча мусобақаларда 41 та ўйинда майдонга тушиб, 36 та гол ўтказиб юборган ва 19 марта ўз дарвозаси дахлсизлигини сақлаб қолган. Transfermarkt портали унинг нархини 35 миллион еврога баҳоламоқда.
3 июль куни "Ан-Наср" "Интер" ярим ҳимоячиси Марсело Брозович билан шартнома имзолаганини эълон қилди. Шу йилнинг январ ойидан бери Криштиану Роналду Саудия клубида тўп сурмоқда.