"Flamengo"ning hujumkor yarim himoyachisi Mateus Fransa Angliyaga ko‘chib o‘tishi mumkin.
“Ko‘klar” shu yil boshida “Nyukasl”ga o‘tmoqchi bo‘lgan 19 yoshli futbolchiga alohida qiziqish bildirmoqda.
Insayder Fabrisio Romanoning so‘zlariga ko‘ra, “Chelsi” hali “Flamengo”ga rasmiy taklif bilan chiqmagan, biroq muzokaralar shu hafta bo‘lib o‘tishi rejalashtirilgan. Mumkin bo‘lgan transfer narxi 20-25 million yevro atrofida bo‘lishi kutilmoqda.
Mateus Fransa "Flamengo"ning asosiy jamoasi safida 53 ta o‘yinda maydonga tushib, 9 bor raqiblar darvozasini ishg‘ol qilgan.
Transfermarkt portali ekspertlari uning transfer qiymatini 5 million yevroga baholamoqda.
