"Sassuolo" yarim himoyachisi Davide Frattezi "Inter"ga o‘tadi.

Transferning yaqin orada yakunlanishi ishonchli manbalardan ma’lum bo‘ldi va 23 yoshli futbolchining agenti ham ma’lumotni tasdiqladi. Insayder Fabrisio Romanoga ma’lum bo‘lishicha, Frattezining "Inter" bilan shartnomasi besh yilga mo‘ljallangan bo‘lib, Italiya terma jamoasi yarim himoyachisining maoshi esa mavsumiga taxminan 2,8 million yevroni tashkil qiladi. Futbolchining raqami ham ma’lum bo‘ldi - 16.

Davide Frattezi o‘tgan mavsumda A seriyaning 36 o‘yinida 7 ta gol urdi. Transfermarkt "Sassuolo" yetakchisining narxini 25 million yevroga baholamoqda.