"Arsenal" jamoaning sobiq bosh murabbiyi Arsen Venger uchun "Emireyts" stadioni yaqinida haykal qurishga qaror qildi.
Jurnalist Konnor Xammning xabar berishicha, 3 avgust, payshanba kuni "Emireyts" stadioni yaqinida buyuk fransuz mutaxassisi haykali ochiladi. U London jamoasining uy arenasidan tashqarida haykallari o‘rnatilgan Toni Adams, Dennis Bergkamp, Tyerri Anri va Gerbert Chapman qatoriga qo‘shiladi.
Eslatib o‘tamiz, Arsen Venger "Arsenal"ni 1996 yildan 2018 yilgacha boshqargan. Angliya grandi boshchiligida mutaxassis Angliya Premyer-ligasida uch bor, Angliya kubogi va Superkubogini 7 marotabadan qo‘lga kiritgan.