"Manchester Yunayted" futbolchisi Rafael Varanning ukasi bo‘lgan himoyachi Jonatan Varan "Sporting Xixon" jamoasini tark etishi mumkin.
Football-Espana nashri xabariga ko‘ra, 21 yoshli futbolchining xizmatlariga Madridning "Atletiko" klubi qiziqish bildirmoqda. “Matraschilar” joriy transfer oynasida futbolchini o‘z safiga qo‘shib olishga harakat qilishi mumkin.
Jonatan o‘tgan mavsumda Segundada 17 ta o‘yinda maydonga tushib, 2 ta golli uzatmani amalga oshirgan.
Fransiyalik himoyachi 2022 yil iyulidan beri “Sporting”da o‘ynaydi. Klub va futbolchi o‘rtasidagi amaldagi shartnoma muddati 2027 yilning yoziga qadar mo‘ljallangan. Varanning transfer narxi 500 000 yevroga baholanmoqda.
