"Манчестер Юнайтед" футболчиси Рафаэль Вараннинг укаси бўлган ҳимоячи Жонатан Варан "Спортинг Хихон" жамоасини тарк этиши мумкин.
Football-Espana нашри хабарига кўра, 21 ёшли футболчининг хизматларига Мадриднинг "Атлетико" клуби қизиқиш билдирмоқда. “Матрасчилар” жорий трансфер ойнасида футболчини ўз сафига қўшиб олишга ҳаракат қилиши мумкин.
Жонатан ўтган мавсумда Сегундада 17 та ўйинда майдонга тушиб, 2 та голли узатмани амалга оширган.
Франциялик ҳимоячи 2022 йил июлидан бери “Спортинг”да ўйнайди. Клуб ва футболчи ўртасидаги амалдаги шартнома муддати 2027 йилнинг ёзига қадар мўлжалланган. Вараннинг трансфер нархи 500 000 еврога баҳоланмоқда.
