15 iyul kuni Tailandning Puket shahrida boks bo‘yicha "Chempionlar oqshomi" turniri tashkil etiladi.
Ushbu turnirda uch nafar o‘zbek bokschisi ringga ko‘tariladi. Shou doirasida Olimpiada va jahon chempioni Hasanboy Do‘smatov, jahon chempioni Asadxo‘ja Mo‘ydinxo‘jayev va JCH ishtirokchisi, bir qator xalqaro turnirlar g‘olibi Mujibillo Tursunov ringga ko‘tariladi.
Bokschilarimizning raqiblari bilan tanishing:
Hasanboy Do‘smatov (O‘zbekiston) - Martin Salvador Molina (Ispaniya)
Mujibillo Tursunov (O‘zbekiston) - Xunarip Pidnuch (Tailand)
Asadxo‘ja Mo‘ydinxo‘jayev (O‘zbekiston) - Dulat Bekbauov (Qozog‘iston)
Janglar 3 daqiqadan 5 raund davom etadi.
Ma’lumot uchun, IBA tomonidan bunday musobaqa 2022 yilning dekabr oyida ham tashkil etilgan va unda Bahodir Jalolov hamda Saidjamshid Jafarov kabi bokschilarimiz ringga ko‘tarilgandi.