15 июль куни Таиланднинг Пукет шаҳрида бокс бўйича "Чемпионлар оқшоми" турнири ташкил этилади.
Ушбу турнирда уч нафар ўзбек боксчиси рингга кўтарилади. Шоу доирасида Олимпиада ва жаҳон чемпиони Ҳасанбой Дўсматов, жаҳон чемпиони Асадхўжа Мўйдинхўжаев ва ЖЧ иштирокчиси, бир қатор халқаро турнирлар ғолиби Мужибилло Турсунов рингга кўтарилади.
Боксчиларимизнинг рақиблари билан танишинг:
Ҳасанбой Дўсматов (Ўзбекистон) - Мартин Сальвадор Молина (Испания)
Мужибилло Турсунов (Ўзбекистон) - Хунарип Пиднуч (Таиланд)
Асадхўжа Мўйдинхўжаев (Ўзбекистон) - Дулат Бекбауов (Қозоғистон)
Жанглар 3 дақиқадан 5 раунд давом этади.
Маълумот учун, IBA томонидан бундай мусобақа 2022 йилнинг декабрь ойида ҳам ташкил этилган ва унда Баҳодир Жалолов ҳамда Саиджамшид Жафаров каби боксчиларимиз рингга кўтарилганди.
