"Manchester Yunayted"ning sobiq futbolchisi Rio Ferdinand yarim himoyachi Meyson Mauntning "Chelsi"dan "qizil iblislar" lageriga o‘tishiga munosabat bildirdi.
"Mauntning "Manchester Yunayted"ga o‘tganidan xursandman. Bu futbolchi juda ko‘p iqtidorga ega. U jamoaga juda mos tushadi.
O‘ylaymanki, kelajakda "Chelsi" uni qo‘yib yuborganidan afsuslanadi", - deb yozdi Ferdinand ijtimoiy tarmoqdagi sahifasida.
Eslatib o‘tamiz, Mauntning transferi "Manchester Yunayted"ga 64 million yevroga tushgan. Futbolchining yangi klubi bilan tuzilgan mehnat shartnomasi 2028 yilning yoziga qadar mo‘ljallangan.
12 avgust kuni Angliya Premyer-ligasining yangi mavsumiga qur’a tashlanadi.
