“Navbahor”ning birinchi davraga oid statistik ma’lumotlari bilan tanishtirishda davom etamiz. Quyida e’tiboringizga jamoaning gollari va “paslar”iga oid statistika havola etiladi.

Xabaringiz bor, Superliga-2023 mavsumining birinchi yarmida “lochinlar” raqiblar darvozasiga 23 ta gol urishdi hamda ushbu gollarga 11 nafar futbolchi mualliflik, 6 nafari esa assistentlik qilishdi.

Bundan tashqari, ushbu o‘yinchilarning 4 nafari ham gollar muallifi, ham gollarga assistentlik qilishganini ham ta’kidlash joiz.    

Shuningdek, gollardan 3 tasi penaltidan, ayrimlari esa jarima zarbalaridan so‘ng, urilganini ham aytish lozim.

Yana shuni ham aytish lozimki, “lochinlar” birinchi davra bahslarida “Nasaf” va “Neftchi”dan tashqari, barcha jamoalar darvozasiga gol urishga muvaffaq bo‘lishdi.

“Navbahor” PFK matbuot xizmati.