"Marsel" hujumchisi Aleksis Sanches klub bilan shartnomasini uzaytirmoqchi emas.
“Olimpik” rahbariyati va futbolchi o‘rtasida yangi shartnoma bo‘yicha muzokaralar davom etmoqda, biroq hech qanday natija yo‘q. "Marsel" o‘tgan mavsumga qaraganda kamroq maoshga shartnoma taklif qilmoqda. Chililik futbolchi bunday shartlar asosida shartnomani uzaytirmoqchi emas va Saudiya Arabistoni klubi taklifini ko‘rib chiqmoqda.
Chililik futbolchi o‘tgan yozda bir yillik shartnoma asosida "Marsel"ga o‘tgan edi. Mavsum davomida 34 yoshli hujumchi klub safida barcha turnirlar doirasida 44 ta o‘yinda maydonga tushib, 18 ta gol urdi va 3 ta golga assistentlik qildi.
