"Марсель" ҳужумчиси Алексис Санчес клуб билан шартномасини узайтирмоқчи эмас.
“Олимпик” раҳбарияти ва футболчи ўртасида янги шартнома бўйича музокаралар давом этмоқда, бироқ ҳеч қандай натижа йўқ. "Марсель" ўтган мавсумга қараганда камроқ маошга шартнома таклиф қилмоқда. Чилилик футболчи бундай шартлар асосида шартномани узайтирмоқчи эмас ва Саудия Арабистони клуби таклифини кўриб чиқмоқда.
Чилилик футболчи ўтган ёзда бир йиллик шартнома асосида "Марсел"га ўтган эди. Мавсум давомида 34 ёшли ҳужумчи клуб сафида барча турнирлар доирасида 44 та ўйинда майдонга тушиб, 18 та гол урди ва 3 та голга ассистентлик қилди.
