ЖЧ-2026 ўйини вақтида майдон четида турган оператор Абдуқодир Ҳусанов билан тўқнашиб кетиш натижасида жароҳат олди.
Ўзбекистон терма жамоаси ЖЧ-2026 1-турида Колумбия термасига имкониятни бой берди (1:3).
Учрашувнинг 32-дақиқасида Ўзбекистон терма жамоаси ҳимоячиси Ҳусанов майдон четида Луис Диасга қарши курашга киришди. Тўқнашув вақтида ўзбекистонлик футболчи колумбиялик ўйинчини йиқитди ва ўзи ҳам тўхтай олмай, майдон четида ишлаётган операторга бориб урилди.
Жабрланувчига стадион тиббий ходимлари ва ФИФА расмий шифокорининг ёрдами талаб этилди. Унинг атрофида тасвирга олиш ускуналари, кабеллар ва микрофон сочилиб кетди. Ҳакам Энтони Тейлор Диасга қарши қўполлик ишлатгани учун Ҳусановга сариқ карточка кўрсатди.
Кейинчалик маълум бўлишича, оператор оёғидан жароҳат олган. У майдонни мустақил равишда тарк эта олмади, икки киши унга тез ёрдам машинасига етиб олишига кўмаклашди ва у стадиондан олиб кетилди.
