JCH-2026 o‘yini vaqtida maydon chetida turgan operator Abduqodir Husanov bilan to‘qnashib ketish natijasida jarohat oldi.
O‘zbekiston terma jamoasi JCH-2026 1-turida Kolumbiya termasiga imkoniyatni boy berdi (1:3).
Uchrashuvning 32-daqiqasida O‘zbekiston terma jamoasi himoyachisi Husanov maydon chetida Luis Diasga qarshi kurashga kirishdi. To‘qnashuv vaqtida o‘zbekistonlik futbolchi kolumbiyalik o‘yinchini yiqitdi va o‘zi ham to‘xtay olmay, maydon chetida ishlayotgan operatorga borib urildi.
Jabrlanuvchiga stadion tibbiy xodimlari va FIFA rasmiy shifokorining yordami talab etildi. Uning atrofida tasvirga olish uskunalari, kabellar va mikrofon sochilib ketdi. Hakam Entoni Teylor Diasga qarshi qo‘pollik ishlatgani uchun Husanovga sariq kartochka ko‘rsatdi.
Keyinchalik ma’lum bo‘lishicha, operator oyog‘idan jarohat olgan. U maydonni mustaqil ravishda tark eta olmadi, ikki kishi unga tez yordam mashinasiga yetib olishiga ko‘maklashdi va u stadiondan olib ketildi.
