"PSJ" himoyachi Milan Shkrinyar bilan shartnoma imzolaganini e’lon qildi.
Futbolchining shartnomasi 2028 yilning 30 iyuniga qadar amal qiladi. Futbolchi erkin agent sifatida parijliklarga o‘tdi. Avvalroq u “Inter”da o‘ynagan.
28 yoshli slovakiyalik 2017 yilda "Sampdoriya"dan "Inter"ga o‘tgan edi. Jamoa bilan birgalikda u 5 ta sovrin - Italiya chempionati, 2 marta Italiya kubogi va 2 marta mamlakat Superkubogini qo‘lga kiritdi.
O‘tgan mavsumda u jamoa safida 31 ta o‘yinda maydonga tushib, 1 ta golga assistentlik qilgan.