"PSJ" hujumchisi Kilian Mbappe "Real"ga o‘tishga yaqin turibdi, deya xabar beradi jurnalist Nikolo Skira.
Manbaga ko‘ra, madridliklar 24 yoshli fransiyalik futbolchi uchun yiliga 50 million yevro maosh va bonuslar bilan besh yillik shartnoma tayyorlab qo‘ygan.
"PSJ" Mbappe klub bilan yangi shartnoma imzolamasa, yaqin kunlarda uni sotishga tayyor.
"PSJ" prezidenti Nosir Al-Xelayfi avvalroq Mbappeni klub bilan shartnomasini uzaytirishdan bosh tortgani uchun ochiqchasiga tanqid qilgandi.
U kelasi yozda, parijliklar bilan shartnomasi tugagach, hujumchi jamoani tekinga tark etishi mumkinligini inkor etdi.