"Manchester Yunayted" yarim himoyachisi Skott Maktominay "Vest Xem"ning qiziqishlari ro‘yxatida.
Ba’zi ma’lumotlarga ko‘ra, shotland sotuvga qo‘yilishi mumkin, chunki u Erik ten Xagning rejalariga to‘g‘ri kelmaydi. Jurnalist Jeykob Shtaynbergga ma’lum bo‘lishicha, "Vest Xem" vaziyatni diqqat bilan kuzatib bormoqda. London klubi markaziy chiziqni kuchaytirmoqchi va "qizil iblislar"ning 26 yoshli yarim himoyachisi bozordagi potensial maqsadlardan biri.
Skott MakTominey faoliyatini boshlaganidan beri "Manchester Yunayted" safida 209ta o‘yinda maydonga tushib, 15ta gol urgan. Transfermarkt portali futbolchining narxini 25 million yevroga baholagan.