"Bolonya" hujumchisi Marko Arnautovich jarohati yo‘qligini aytdi.

Shu hafta OAVda hujumchining o‘ng oyog‘ida muammo borligi va seshanba kuni u tibbiy ko‘rikdan o‘tishi haqida xabarlar tarqalgan edi. Shundan so‘ng u jamoasining qolgan qismiga qo‘shilib, Valsdagi yig‘inga qo‘shilish-qo‘shilmasligini hal qiladi.

“Men haqimda soxta xabar tarqatishni bas qiling! Menda hech qanday jarohat yo‘q! Mening oyog‘im yaxshi! Men formadaman va yaqinlashib kelayotgan mavsumga hozirdanoq tayyorgarlik ko‘ryapman!”, - deb yozdi Arnautovich o‘zining ijtimoiy tarmoqdagi sahifasida.

34 yoshli avstriyalik o‘tgan mavsumda barcha turnirlarda 23 ta o‘yinda maydonga tushib, 10 ta gol urdi va 1 ta golli uzatmani amalga oshirdi.