"Manchester Yunayted" bir oy ichida Meyson Grinvud taqdirini hal qilmoqchi.

ESPN xabariga ko‘ra, rahbariyat yarim himoyachining kelajagi bo‘yicha qarorni 14 avgustga, ya’ni klub yangi Premyer-ligadagi ilk o‘yinini o‘tkazgunga qadar qabul qilmoqchi.

Grinvud mavsum oldidan boshlangan payshanba kungi umumiy guruh mashg‘ulotlarida ishlamadi.

Eslatib o‘tamiz, avvalroq futbolchi qiz do‘stiga nisbatan zo‘ravonlikda ayblangan edi. Keyinchalik sud unga qo‘yilgan ayblovlarni olib tashladi, ammo "Manchester Yunayted" futbolchini o‘z tergovi oxirigacha diskvalifikasiya qildi. Grinvud Ispaniya, Italiya yoki Turkiyaga ijaraga berilishi mumkinligi xabar qilingandi.

Angliyalik futbolchi oxirgi marta 2022 yilning yanvarida maydonga tushgan edi.