"Манчестер Юнайтед" бир ой ичида Мэйсон Гринвуд тақдирини ҳал қилмоқчи.
ESPN хабарига кўра, раҳбарият ярим ҳимоячининг келажаги бўйича қарорни 14 августга, яъни клуб янги Премьер-лигадаги илк ўйинини ўтказгунга қадар қабул қилмоқчи.
Гринвуд мавсум олдидан бошланган пайшанба кунги умумий гуруҳ машғулотларида ишламади.
Эслатиб ўтамиз, аввалроқ футболчи қиз дўстига нисбатан зўравонликда айбланган эди. Кейинчалик суд унга қўйилган айбловларни олиб ташлади, аммо "Манчестер Юнайтед" футболчини ўз тергови охиригача дисквалификация қилди. Гринвуд Испания, Италия ёки Туркияга ижарага берилиши мумкинлиги хабар қилинганди.
Англиялик футболчи охирги марта 2022 йилнинг январида майдонга тушган эди.
