Sobiq futbolchi Edvin van der Sar Xorvatiyada dam olish vaqtida kasalxonaga yotqizildi. 24sata xabariga ko‘ra, 52 yoshli niderlandiyalik Split shahridagi klinikaning nevrologiya bo‘limida shifokorlar nazoratida. Van der Sar miyaga qon quyilishida gumon qilinmoqda.
Bahor oxirida van der Sar "Ayaks" bosh direktori lavozimidan ketishini e’lon qildi. Jamoa mavsumni muvaffaqiyatsiz yakunladi va Niderlandiya chempionatida faqat uchinchi o‘rinni egalladi.
Edvin futbolchi sifatida "Ayaks", "Yuventus", "Fulxem" va "Manchester Yunayted" klublarida o‘ynaganligi bilan mashhur.