Madridning «Real» klubi jamoaning uch nafar yulduz futbolchisi borasidagi rejalarini belgilab oldi. El Mundo jurnalistlariga ma’lum bo‘lishicha, «qirollik» klubi rahbariyati hujumchi Kilian Mbappe, vinger Vinisius Junior va yarim himoyachi Jud Bellingem bilan xayrlashish niyatida emas.
«Qaymoqranglilar» lageridagilar hozirgi jamoaning salohiyati juda yuqori ekanligiga ishonchi komil. Madridliklar keyingi mavsumlarda aynan yuqorida nomlari tilga olingan yulduzlarga asosiy e’tiborni qaratishni maqsad qilgan.
Ispaniya chempionatining joriy mavsumida «Real» ikkinchi o‘rinda bormoqda. Chempionlar ligasiga kelsak, Madrid jamoasi chorak final bosqichida Myunxenning «Bavariya» klubiga imkoniyatni boy berib (1:2, 3:4), musobaqadagi ishtirokini yakunlagan edi.
