«Barselona» bo‘lajak transfer oynasida to‘rt nafar futbolchi bilan shartnoma imzolashi mumkin. Jurnalist Ferran Martinesning xabar berishicha, klub yangi markaziy himoyachi, markaziy hujumchi va vinger taklif etishni rejalashtirmoqda.
Shuningdek, «ko‘k-anorranglilar» qanot himoyachisi Joau Kanseluni Saudiyaning «Al-Hilol» klubidan to‘liq sotib olmoqchi. Matbuotda Kataloniya grandi safiga Madridning «Atletiko» klubi hujumchisi Xulian Alvares va Milanning «Inter» klubi markaziy himoyachisi Alessandro Bastoni o‘tishi mumkinligi haqidagi xabarlar muntazam ravishda paydo bo‘lmoqda.
Eslatib o‘tamiz, 22 aprel kuni Xans-Diter Flik jamoasi La Liga doirasida o‘z maydonida «Selta»ni qabul qiladi.
