«Барселона» бўлажак трансфер ойнасида тўрт нафар футболчи билан шартнома имзолаши мумкин. Журналист Ферран Мартинеснинг хабар беришича, клуб янги марказий ҳимоячи, марказий ҳужумчи ва вингер таклиф этишни режалаштирмоқда.
Шунингдек, «кўк-анорранглилар» қанот ҳимоячиси Жоау Канселуни Саудиянинг «Ал-Ҳилол» клубидан тўлиқ сотиб олмоқчи. Матбуотда Каталония гранди сафига Мадриднинг «Атлетико» клуби ҳужумчиси Хулиан Альварес ва Миланнинг «Интер» клуби марказий ҳимоячиси Алессандро Бастони ўтиши мумкинлиги ҳақидаги хабарлар мунтазам равишда пайдо бўлмоқда.
Эслатиб ўтамиз, 22 апрель куни Ханс-Дитер Флик жамоаси Ла Лига доирасида ўз майдонида «Сельта»ни қабул қилади.
