"Chelsi" bosh murabbiyi Maurisio Pochettino yanvar oyi oxirida Lissabonning "Benfika" klubidan jamoaga kelib qo‘shilgan yarim himoyachi Enso Fernandes bilan ishlashdan umidlari bilan o‘rtoqlashdi. O‘tgan jahon chempionatining eng yaxshi yosh o‘yinchisining transfer narxi 121 million yevroni tashkil etdi, bu esa argentinalikni Premyer-liga tarixidagi eng qimmat futbolchiga aylantirdi.
“Fernandesni mashq qilish katta zavq keltiradi. Men Ensoning Argentina bilan jahon chempionatida erishgan yutuqlaridan faxrlanaman. Umid qilamanki, biz u bilan “Chelsi”da ko‘plab sovrinlarni qo‘lga kiritamiz”, dedi Pochettino matbuot anjumanida.
Enso olti oydan kamroq vaqt ichida Premyer-ligada 18 uchrashuvda ikkita golli uzatmani amalga oshirdi.
