"Inter" darvozaboni Andre Onana "Manchester Yunayted"ga o‘tishga yaqin turibdi.
Muzokaralarning navbatdagi muvaffaqiyatli bosqichidan so‘ng tomonlar transfer shartlari bo‘yicha to‘liq kelishuvga yaqinlashdi.
Insayder Fabrisio Romanoning yangilangan hisobotiga ko‘ra, transfer keyingi hafta oxirigacha yakunlanadi.
27 yoshli kamerunlik futbolchining o‘zi allaqachon "qizil iblislar" bilan shaxsiy shartnoma tafsilotlarini kelishib olgan.
"Manchester Yunayted" futbolchini jamoa bilan AQSHdagi mavsumoldi yig‘iniga olib borishni istamoqda.
Andre Onananing transfer narxi, avval xabar qilinganidek, taxminan 55 million yevroni tashkil qiladi.
