"Интер" дарвозабони Андре Онана "Манчестер Юнайтед"га ўтишга яқин турибди.
Музокараларнинг навбатдаги муваффақиятли босқичидан сўнг томонлар трансфер шартлари бўйича тўлиқ келишувга яқинлашди.
Инсайдер Фабрицио Романонинг янгиланган ҳисоботига кўра, трансфер кейинги ҳафта охиригача якунланади.
27 ёшли камерунлик футболчининг ўзи аллақачон "қизил иблислар" билан шахсий шартнома тафсилотларини келишиб олган.
"Манчестер Юнайтед" футболчини жамоа билан АҚШдаги мавсумолди йиғинига олиб боришни истамоқда.
Андре Онананинг трансфер нархи, аввал хабар қилинганидек, тахминан 55 миллион еврони ташкил қилади.
