"Real Madrid" bilan shartnoma imzolagan yana bir yosh superyulduz "Fenerbaxche"ning 18 yoshli turkiyalik pleymeykeri Arda Gyulerdir.

Madrid klubi allaqachon transferni e’lon qilgan, futbolchi bilan shartnoma 6 mavsumga mo‘ljallangan - 2029 yilgacha. Madridning “Real” klubi “Fenerbaxche”ga futbolchi uchun 20 million yevro to‘laydi, yana 10 millioni esa bonus sifatida beriladi.

Gyuler qaysidir ma’noda "Madrid" tarixiga kirdi, u klubda bor-yo‘g‘i 4 soat vaqt o‘tkazdi. Ammo, shu vaqt ichida u haqidagi xush kelibsiz tviti klubning rasmiy akkauntidagi rekordni yangiladi - u 504 ming layk to‘pladi (hozir bu ko‘rsatkich allaqachon 710 mingga yetgan).

Avvalgi rekord Karim Benzemaga tegishli bo‘lib, fransiyalik futbolchi Chempionlar ligasining 2021/22 yilgi pley-off bosqichida “Santyago Bernabeu”da “Chelsi”ga gol urganida o‘rnatilgan edi.

Turkiyalik muxlislarning ijtimoiy tarmoqlardagi faolligini hisobga olsak, Gyuler bilan yozilgan tvit rekordga aylangani ajablanarli emas. Bu mamlakat muxlislari mashhur futbolchilarning ijtimoiy tarmoqlarda “Fenerbaxche”, “Beshiktosh” va boshqa klublarga o‘tishni iltimos qilgan holda flesh-moblar uyushtirish odati haqida bilsangiz kerak.