"Inter"ning sobiq yarim himoyachisi Roberto Galyardini "Monsa"ga o‘tdi, deb xabar beradi Italiya klubi rasmiy sayti.
29 yoshli italiyalik 2024 yilgacha mo‘ljallangan shartnoma imzoladi. Yozda uning 2017 yildan buyon o‘ynab kelayotgan "Inter" bilan shartnomasi yakuniga yetdi.
Galyardini o‘tgan mavsumda barcha turnirlarda 29 ta o‘yinda maydonga tushib, gol ura olmadi. Yarim himoyachi “Inter”ga qadar “Atalanta”, “Vichensa”, “Spesiya” va “Chezena” klublarida o‘ynagan.