Xarvi Barns uchun kurashda "Nyukasl" raqiblaridan oldinda.
The Guardian xabariga ko‘ra, "qarg‘alar" "Lester" vingerini 35 million funt sterlingga sotib olishga yaqin turibdi. Futbolchi uchun "Aston Villa" va "Vest Xem" ham da’vogarlik qilmoqda, biroq londonliklar Deklan Raysni "Arsenal"ga sotishga katta e’tibor qaratgani uchun tashabbusni qo‘ldan chiqardi.
"Lester" 25 yoshli angliyalik uchun 50 million funt olishni umid qilgandi, ammo kamroq pul oladigan ko‘rinadi.
2022/23 yilgi Premyer-ligada Barns 34 o‘yinda 13 ta gol urgan.