Arda Gyuler asosiy jamoada o‘ynash kafolati tufayli "Real Madrid"ni tanladi.

6 iyul kuni turkiyalik yarim himoyachi 20+10 million yevro evaziga Madridga ko‘chib o‘tdi.

Marca nashri xabariga ko‘ra, futbolchi va uning oilasi ikki shart bilan "Real Madrid"ga o‘tishga rozi bo‘lgan: Gyuler mavsum davomida "Fenerbaxche"da ijara asosida qolmaydi va futbolchi transferdan so‘ng darhol boshqa klubga ijaraga berilmaydi.

Madridliklar bosh murabbiyi Karlo Anchelotti bu variantni ma’qulladi. Italiyalik mutaxassis 18 yoshli futbolchiga shaxsan qo‘ng‘iroq qilib, uni "Real Madrid"da ko‘rishini aytdi. Anchelotti Gyulerni yarim himoyada emas, jamoadan ketgan Marko Asensio roliga qo‘yib, hujumga yaqinroq pozisiyada o‘ynatmoqchi.

Bu shartlar evaziga "Real Madrid" Dortmundning "Borussiya", "Milan" va "Ayaks"dan o‘zib keta oldi. Ta’kidlanishicha, "Barselona" Gyulerni sotib olishga yaqin emas edi.