"Manchester Yunayted" darvozaboni David de Xea shartnomasi yakunlanganidan so‘ng jamoani tark etishini e’lon qildi.
"O‘tgan 12 yil davomidagi sevgingiz uchun o‘z minnatdorchiligimni bildirmoqchiman.
Hurmatli ser Aleks Fergyuson meni bu klubga olib kelganidan beri ko‘p yutuqlarga erishdik. Men bu libosni har gal kiyganimda nihoyatda faxrlanardim.
Dunyoning eng katta klubi vakili bo‘lish faqat bir nechta omadli futbolchilarga beriladigan sharafdir.
Yoshligimda Madridni tark etib, birgalikda erishgan narsamizga erishamiz deb o‘ylamagandim. Endi yangi sinovdan o‘tish, o‘zimni yangi sharoitlarda yana sinab ko‘rish vaqti keldi. Manchester doim yuragimda qoladi”, - dedi de Xea.
32 yoshli ispaniyalik futbolchi 2011 yildan buyon klub safida o‘ynab kelayotgan va klub bilan Premyer-liga, Yevropa ligasi, Angliya kubogi, Angliya liga kubogi va mamlakat Superkubogida g‘olib chiqqan.
