Markaziy himoyachi Samuel Yumtiti Italiyaning "Monsa" klubiga o‘tishi mumkin.

Fransiyalik futbolchi "Barselona" bilan shartnoma bekor qilinganidan keyin 1 iyuldan beri erkin agent maqomida.

Insayder Janluka di Marsioga ma’lum bo‘lishicha, ayni damda 29 yoshli futbolchi "Monsa" bilan muzokara olib bormoqda.

A Seriya klubi markaziy himoyachini o‘z safiga qo‘shishga qaror qilgan, biroq tomonlar kelishuvning ba’zi tafsilotlarini hali hal qilmagan.

Samuel Yumtiti 2016 yildan beri "Barselona"ga tegishli bo‘lib, Kataloniya jamoasi safida barcha musobaqalarda jami 133 ta o‘yin o‘tkazgan.

So‘nggi mavsumda futbolchi "Lechche" safida ijara asosida o‘ynagan, u 25 bor maydonga tushgan.