Марказий ҳимоячи Самуэль Юмтити Италиянинг "Монца" клубига ўтиши мумкин.
Франциялик футболчи "Барселона" билан шартнома бекор қилинганидан кейин 1 июлдан бери эркин агент мақомида.
Инсайдер Жанлука ди Марциога маълум бўлишича, айни дамда 29 ёшли футболчи "Монца" билан музокара олиб бормоқда.
А Серия клуби марказий ҳимоячини ўз сафига қўшишга қарор қилган, бироқ томонлар келишувнинг баъзи тафсилотларини ҳали ҳал қилмаган.
Самуэль Юмтити 2016 йилдан бери "Барселона"га тегишли бўлиб, Каталония жамоаси сафида барча мусобақаларда жами 133 та ўйин ўтказган.
Сўнгги мавсумда футболчи "Лечче" сафида ижара асосида ўйнаган, у 25 бор майдонга тушган.
