Yarim himoyachi Sergey Milinkovich-Savich sakkiz yillik o‘yindan so‘ng tez orada "Lasio"ni tark etadi.
28 yoshli serbning Saudiyaning "Al-Hilol" klubi futbolchisiga aylanishi kutilmoqda. TodoFichaes xabariga ko‘ra, "Lasio" allaqachon Milinkovich-Savichga o‘rinbosar topib bo‘lgan.
Huquqlari "Yuventus"ga tegishli bo‘lgan Artur Melo Rimga o‘tishi mumkin. 26 yoshli braziliyalik Massimiliano Allegrining rejalariga kirmaydi, shuning uchun yangi kelishuvga erishish uchun yaxshi imkoniyat bor.
Artur Melo 2022/2023 yilgi mavsumni “Liverpul”da ijara asosida o‘tkazdi, ammo yaxshi natijalar qayd etilmadi. Transfermarkt portali yarim himoyachini 15 million yevroga baholamoqda.