32 yoshli portugaliyalik himoyachi Mario Ruy yozda Saudiya Arabistoni chempionatiga o‘tish uchun "Napoli"ni tark etishi mumkin.

Insayder Alfredo Pedulla xabariga ko‘ra, futbolchining xizmatlariga "An-Nasr" qiziqmoqda.

Jurnalistning fikricha, Saudiya klubi yaqin orada futbolchini qo‘lga kiritishga harakat qiladi. Eslatib o‘tamiz, portugaliyalik yana bir yulduz Krishtianu Ronaldu "An-Nasr"da to‘p tepmoqda.

Ruyning neapolliklar bilan amaldagi shartnomasi 2025 yilning yoziga qadar tuzilgan. Transfermarkt  portali uning qiymatini sakkiz million yevroga baholamoqda.

Portugaliyalik futbolchi o‘tgan mavsum A Seriyada 22 o‘yin o‘tkazib, 6 ta golli uzatmani amalga oshirgan.