"Chelsi" bosh murabbiyi Maurisio Pochettino yaqinda hujumchi Romelu Lukaku chorshanba yoki payshanba kuni jamoaga kelishini ma’lum qildi.

Biroq, 30 yoshli belgiyalik hujumchi shu kunlarda kelishni rejalashtirmayapti, deb yozmoqda The Telegraph o‘z sahifalarida. Lukaku "Inter" uning transferi borasida oldinga siljishini kutmoqchi.

Romelu Lukaku 2022/2023 yilgi mavsumni "Inter"da ijara asosida o‘tkazgan. Avvalroq A Seriya klubi ijara shartnomasini uzaytirmoqchi ekani, ammo "Chelsi" to‘liq transferni amalga oshirayotgani haqida xabar berilgandi.

O‘tgan mavsumda Lukaku "Inter" safida 37 ta o‘yinda maydonga tushib, 14 ta gol urgan.