"Chelsi" va "Santos" vinger Angelo Gabrielni londonliklar tarkibiga o‘tkazish bo‘yicha barcha hujjatlarni imzoladi, deya xabar beradi insayder Fabrisio Romano.
Manbaga ko‘ra, 12 iyul kuni 18 yoshli futbolchi tibbiy ko‘rikning ikkinchi qismidan o‘tadi, shundan so‘ng u "Chelsi" bilan AQSH safariga chiqadi. Bitim summasi 15 million yevroni tashkil qiladi. Gabrielning ijaraga berilishi haqidagi qaror AQSH turnesi tugaganidan keyin qabul qilinadi.
Gabriel 2020 yil oktyabr oyida 15 yoshu 10 oy 4 kunligida "Santos" safida debyut qilgan ikkinchi eng yosh futbolchiga aylandi.
Braziliya chempionatining 2023 yilgi mavsumida vinger 12 uchrashuvda qatnashib, ikkita gol urgan.