"PSJ" prezidenti Nosir Al-Xelayfiy yaqinda Kilian Mbappega ultimatum qo‘ydi. Klub 24 yoshli hujumchi Parijda o‘ynashda davom etishi uchun shartnomani uzaytirishi kerak, degan fikrni ilgari surmoqda. Liga1 grandi Kilianning kelasi yozda erkin agent sifatida ketishiga ruxsat bermaydi. Shu bilan birga, futbolchining o‘zi avvalroq 2024 yilda kelajagini hal qilish niyatida ekanligini ma’lum qilgandi - u "PSJ" bilan mehnat shartnomasini uzaytirishni rejalashtirmayapti.

"PSJ" Mbappeni jamoa bilan birga samolyotda uchish huquqidan mahrum qilishi mumkin! - Ispaniyaning Sport nashri sahifalarida shunday sarlavhali xabar e’lon qilindi. Taxminlarga ko‘ra, agar Mbappe shu vaqtgacha shartnomani uzaytirmasa, "PSJ" hujumchiga 22 iyul kuni mavsumoldi turga uchib ketishiga ruxsat bermaydi.