"Napoli" prezidenti Aurelio de Laurentis hujumchi Viktor Osimxenni qaysi klub sotib olishga qurbi yetadi, degan savolga javob berdi.

Hozir shunday jamoa bitta, u ham bo‘lsa "PSJ". Agar ularning prezidenti Osimxen uchun 200 million yevro to‘lashga tayyor bo‘lsa, unda nima bo‘lishini kuzatishga tayyorman.

Ammo futbolchi bizni tark etmasligiga ishonaman", - deya de Laurentisning so‘zlarini keltiradi jurnalist Fabrisio Romano.

24 yoshli nigeriyalik o‘tgan mavsumda barcha turnirlarda 39 ta o‘yinda maydonga tushib, 31 ta gol urdi va 5 ta golga assistentlik qildi.

Osimxenning "Napoli" bilan shartnomasi 2025 yilgacha mo‘ljallangan. Forvardning transfer narxi 120 million yevroga baholanmoqda.