"Atletiko" "PSJ" yarim himoyachisi Marko Verrattini o‘z safiga qo‘shib olmoqchi, deya xabar beradi Marca.
Manbaning xabariga ko‘ra, ispaniyaliklar bosh murabbiyi Diyego Simeonening shaxsan o‘zi ushbu transferga qiziqish bildirmoqda. Qayd etilishicha, yarim himoyachi jamoasi o‘zgarishiga qarshi emas.
Oldinroq "PSJ" Verrattini 80 million yevro evaziga qo‘yib yuborishga tayyorligi haqida xabar berilgandi.
2022/23 yilgi mavsumda 30 yoshli italiyalik Liga 1da 29 ta o‘yinda maydonga tushib, gol ura olmagan.