"Atletiko Madrid" yozda faol ravishda markaziy yarim himoyachi qidirmoqda va "Tottenxem" futbolchisi Pyer-Emil Xyoyberg variantlardan biri bo‘lishi mumkin.
Mundo Deportivo bergan xabarga ko‘ra, "shporlar" daniyalik futbolchini maqbul narxga sotishga tayyor, ammo hozirda 27 yoshli futbolchiga klublar tomonidan berilgan baho mutlaqo boshqacha. "Tottenxem" o‘z yarim himoyachisi uchun kamida 40 million yevro talab qilmoqda, "matraschilar" esa 22 million evro taklif qilishga tayyor. Pyer-Emilning o‘zi "Atletiko"ga o‘tishga tayyor.
2022/2023 yilgi mavsumda Xyoybjerg "Tottenxem" safida barcha musobaqalarda 44 ta o‘yin o‘tkazib, 5 ta gol va 7 ta golli uzatmani amalga oshirgan. Futbolchining London klubi bilan shartnomasi 2025 yilning iyun oyi oxirigacha amal qiladi. Transfermarkt internet portaliga ko‘ra, futbolchining taxminiy narxi 45 million yevroni tashkil qiladi.