"Barselona" hujumchisi Rafinya faoliyatini Saudiya Arabistonida davom ettirishi mumkin. Jurnalist Ashraf Ben Ayadning Twitter'dagi sahifasida xabar berishicha, kataloniyaliklar 26 yoshli braziliyalik futbolchi uchun taklif olgan.
Rafinya o‘tgan yozdan beri “Barselona” safida harakat qilmoqda. Futbolchining amaldagi shartnomasi 2027 yilgacha mo‘ljallangan. Transfermarkt portali futbolchining narxini 60 million yevroga baholamoqda.
2022/23 yilgi mavsumda Rafinya barcha musobaqalarda 50 ta o‘yinda maydonga tushib, 10 ta gol urdi va 12 ta golli uzatmani amalga oshirdi.