"Барселона" ҳужумчиси Рафинья фаолиятини Саудия Арабистонида давом эттириши мумкин. Журналист Ашраф Бен Аяднинг Twitter'даги саҳифасида хабар беришича, каталонияликлар 26 ёшли бразилиялик футболчи учун таклиф олган.
Рафинья ўтган ёздан бери “Барселона” сафида ҳаракат қилмоқда. Футболчининг амалдаги шартномаси 2027 йилгача мўлжалланган. Transfermarkt портали футболчининг нархини 60 миллион еврога баҳоламоқда.
2022/23 йилги мавсумда Рафинья барча мусобақаларда 50 та ўйинда майдонга тушиб, 10 та гол урди ва 12 та голли узатмани амалга оширди.
