"Yuventus" sardori Leonardo Bonuchchi joriy transfer oynasi yopilgunga qadar klubni tark etishi mumkin.
Italiya manbalariga ko‘ra, 36 yoshli markaziy himoyachi Saudiya Arabistoni klublarining qiziqishlariga qaramay, kelasi mavsumni "Yuventus"da o‘tkazishga tayyor. Insayder Janluka Di Marsio xabariga ko‘ra, "byankonerilar" faxriysi shu yozda klubni tark etishi mumkin. Jamoa rahbariyati endi qariya futbolchiga ishonmoqchi emas.
Qayd etilishicha, Bonuchchi "Yuventus" sotishga harakat qiladigan futbolchilar ro‘yxatida bor. Xuddi shu narsa Ueston Makkenni, Artur Melo, Denis Zakariya va Aleks Sandroga ham tegishli.