"Ювентус" сардори Леонардо Бонуччи жорий трансфер ойнаси ёпилгунга қадар клубни тарк этиши мумкин.
Италия манбаларига кўра, 36 ёшли марказий ҳимоячи Саудия Арабистони клубларининг қизиқишларига қарамай, келаси мавсумни "Ювентус"да ўтказишга тайёр. Инсайдер Жанлука Ди Марцио хабарига кўра, "бьянконерилар" фахрийси шу ёзда клубни тарк этиши мумкин. Жамоа раҳбарияти энди қария футболчига ишонмоқчи эмас.
Қайд этилишича, Бонуччи "Ювентус" сотишга ҳаракат қиладиган футболчилар рўйхатида бор. Худди шу нарса Уэстон Маккенни, Артур Мело, Денис Закария ва Алекс Сандрога ҳам тегишли.