"Chelsi"ning gabonlik hujumchisi Pyer-Emerik Obameyang faoliyatini Saudiya Arabistonida davom ettirishi mumkin, deb yozadi jurnalist Fabrisio Romano o‘zining Twitter sahifasida.
Manbaga ko‘ra, London klubi 34 yoshli hujumchining klub bazasiga qaytish sanasini o‘zgartirgan. Hozirda u 12 iyuldan emas, 17 iyuldan mashg‘ulotlarni davom ettirishi kerak. Shuningdek, "Chelsi" Lukakuni ham astoydil sotishga harakat qilmoqda. "Chelsi" Saudiya Arabistoni klublariga katta umid bog‘lamoqda, ammo Sharqiy Osiyo jamoalari va Obameyang o‘rtasidagi muzokaralar endi boshlandi.
Obameyangning "Chelsi" bilan shartnomasi 2024 yilning iyunigacha amal qiladi. Obameyang Premyer-liganing 2022/2023 yilgi mavsumida 15 ta o‘yinda maydonga tushib, bitta gol urgan.