"Челси"нинг габонлик ҳужумчиси Пьер-Эмерик Обамеянг фаолиятини Саудия Арабистонида давом эттириши мумкин, деб ёзади журналист Фабрицио Романо ўзининг Twitter саҳифасида.
Манбага кўра, Лондон клуби 34 ёшли ҳужумчининг клуб базасига қайтиш санасини ўзгартирган. Ҳозирда у 12 июлдан эмас, 17 июлдан машғулотларни давом эттириши керак. Шунингдек, "Челси" Лукакуни ҳам астойдил сотишга ҳаракат қилмоқда. "Челси" Саудия Арабистони клубларига катта умид боғламоқда, аммо Шарқий Осиё жамоалари ва Обамеянг ўртасидаги музокаралар энди бошланди.
Обамеянгнинг "Челси" билан шартномаси 2024 йилнинг июнигача амал қилади. Обамеянг Премьер-лиганинг 2022/2023 йилги мавсумида 15 та ўйинда майдонга тушиб, битта гол урган.